(1) మధ్యవర్తిత్వం, సందర్భానుసారం, జిల్లా కమిషన్, రాష్ట్ర కమిషన్ లేదా జాతీయ కమిషన్‌కు అనుబంధంగా ఉన్న వినియోగదారుల మధ్యవర్తిత్వ సెల్‌లో నిర్వహించబడును.

(2) వినియోగదారుల వివాదం జిల్లా కమిషన్ లేదా రాష్ట్ర కమిషన్ లేదా జాతీయ కమిషన్ ద్వారా, సందర్భానుసారంగా, మధ్యవర్తిత్వం కొరకు సూచించబడినప్పుడు, అట్టి కమిషన్ ద్వారా నియమించబడిన మధ్యవర్తి పక్షముల హక్కులు మరియు బాధ్యతలు, ఏవైనా ఉన్నచో వాణిజ్య ఆచారాలు, వినియోగదారుల వివాదానికి దారితీసిన పరిస్థితులు మరియు అతడు అవసరమని భావించిన అట్టి ఇతర సంబంధిత అంశాలను పరిగణనలోకి తీసుకోవాలి మరియు మధ్యవర్తిత్వం నిర్వహించునప్పుడు సహజ న్యాయ సూత్రాలను అనుసరించాలి.

(3) అట్లు నియమించబడిన మధ్యవర్తి, నియమావళిచే నిర్దేశించబడినట్లుగా, అట్టి కాలపరిమితిలో మరియు అట్టి పద్ధతిలో మధ్యవర్తిత్వాన్ని నిర్వహించవలెను.