(1) సెక్షన్ 19లోని సబ్-సెక్షన్ (1) క్రింద ప్రాథమిక విచారణ అనంతరం దర్యాప్తు నిర్వహించు నిమిత్తము, డైరెక్టర్-జనరల్ లేదా ఆయనచే ఈ నిమిత్తమై అధికారమివ్వబడిన ఏ ఇతర అధికారి అయినను, లేదా జిల్లా కలెక్టరు, సందర్భానుసారముగా, ఏదేని వ్యక్తి ఏదేని వినియోగదారుల హక్కులను ఉల్లంఘించెనని లేదా అన్యాయమైన వ్యాపార పద్ధతిని ఆచరించెనని లేదా ఏదేని తప్పుడు లేదా తప్పుదోవ పట్టించు ప్రకటనను చేయించెనని నమ్ముటకు అతనికి కారణమున్నచో, అతడు,--

(2) క్రిమినల్ ప్రొసీజర్ కోడ్, 1973 (1974లో 2వ చట్టము) యొక్క సోదా మరియు జప్తునకు సంబంధించిన నిబంధనలు, ఈ చట్టము క్రింద చేయబడు సోదా మరియు జప్తునకు, సాధ్యమైనంతవరకు, వర్తించును.

(3) ఉప-సెక్షన్ (1) లోని ఖండము (ఎ) క్రింద జప్తు చేయబడిన లేదా ఆ ఉప-సెక్షన్ లోని ఖండము (సి) క్రింద సమర్పించబడిన ప్రతి దస్తావేజు, అభిలేఖ లేదా వస్తువు, ఎవరి నుండి అవి జప్తు చేయబడినవో లేదా ఎవరు వాటిని సమర్పించినారో ఆ వ్యక్తికి, అట్టి జప్తు లేదా సమర్పణ తేదీ నుండి ఇరవై రోజుల వ్యవధిలో, సందర్భానుసారముగా, ఆ వ్యక్తిచే, నిర్దేశించిన రీతిలో ధృవీకరించబడిన వాటి నకళ్ళు లేదా వాటి ఉద్ధరణలు తీసుకున్న పిమ్మట తిరిగి ఇవ్వబడవలెను.

(4) ఉప-సెక్షన్ (1) క్రింద స్వాధీనం చేసుకున్న ఏవైనా వస్తువులు త్వరితగతిన లేదా సహజంగా క్షీణించుటకు లోబడి ఉన్నట్లయితే, డైరెక్టర్-జనరల్ లేదా అటువంటి ఇతర అధికారి ఆ వస్తువును నిర్దేశించిన పద్ధతిలో పారవేయవచ్చును.

(5) ఉప-సెక్షన్ (4) లో పేర్కొన్న వస్తువులు కాకుండా ఇతర వస్తువుల విషయంలో, సెక్షన్ 38, ఉప-సెక్షన్ (2) , ఖండం (సి) లోని నిబంధనలు విశ్లేషణ లేదా పరీక్షలకు సంబంధించి యథాతథ మార్పులతో వర్తించును.