जिल्हा आयोग, राज्य आयोग आणि राष्ट्रीय आयोग यांचे अध्यक्ष व सदस्य, आणि त्यांचे अधिकारी व इतर कर्मचारी, केंद्रीय प्राधिकरणाचे मुख्य आयुक्त व आयुक्त, महासंचालक, अपर महासंचालक, संचालक, सहसंचालक, उपसंचालक आणि सहायक संचालक आणि केंद्रीय प्राधिकरणाचे इतर सर्व अधिकारी व कर्मचारी आणि या अधिनियमाखालील कोणतेही कर्तव्य पार पाडणाऱ्या इतर व्यक्ती, या अधिनियमाच्या कोणत्याही तरतुदींच्या अनुसरणाने कार्य करताना किंवा कार्य करण्याचा उद्देश बाळगून असताना, भारतीय दंड संहिता (१८६० चा ४५ वा अधिनियम) च्या कलम २१ च्या अर्थानुसार लोकसेवक समजले जातील.