जेव्हा राष्ट्रीय आयोगाच्या अध्यक्षांचे पद रिक्त असेल किंवा असे पद धारण करणारी व्यक्ती अनुपस्थितीमुळे किंवा अन्य कोणत्याही कारणामुळे आपल्या पदाची कर्तव्ये पार पाडण्यास असमर्थ असेल, तेव्हा ती कर्तव्ये राष्ट्रीय आयोगाच्या ज्येष्ठतम सदस्याकडून पार पाडण्यात येतील.

परंतु, जेथे उच्च न्यायालयाचा सेवानिवृत्त न्यायाधीश किंवा जो न्यायिक सदस्य राहिलेला आहे अशी व्यक्ती राष्ट्रीय आयोगाचा सदस्य असेल, तेथे असा सदस्य किंवा अशा सदस्यांची संख्या एकापेक्षा अधिक असेल तेथे, अशा सदस्यांमधील ज्येष्ठतम व्यक्ती, त्या आयोगाच्या अध्यक्षांच्या अनुपस्थितीत राष्ट्रीय आयोगाचे अध्यक्षस्थान भूषवील.