(1) కేంద్ర ప్రభుత్వం, అధిసూచన ద్వారా, అది ఆ అధిసూచనలో నిర్దేశించు అట్టి తేదీ నుండి అమలులోకి వచ్చునట్లు, కేంద్ర ప్రాధికార సంస్థగా పిలువబడునట్టి ఒక కేంద్ర వినియోగదారుల రక్షణ ప్రాధికార సంస్థను, వినియోగదారుల హక్కుల ఉల్లంఘన, అన్యాయమైన వ్యాపార పద్ధతులు మరియు ప్రజల మరియు వినియోగదారుల ప్రయోజనాలకు భంగకరమైనట్టి తప్పుడు లేదా తప్పుదోవ పట్టించు ప్రకటనలకు సంబంధించిన విషయాలను నియంత్రించుటకు మరియు ఒక వర్గంగా వినియోగదారుల హక్కులను ప్రోత్సహించుటకు, రక్షించుటకు మరియు అమలుపరచుటకు స్థాపించవలెను.

(2) కేంద్ర ప్రాధికార సంస్థ ఒక ప్రధాన కమిషనర్ మరియు నిర్దేశించిన సంఖ్యలో ఇతర కమిషనర్లతో కూడి ఉంటుంది, వీరు ఈ చట్టం క్రింద అధికారాలను వినియోగించుటకు మరియు విధులను నిర్వర్తించుటకు కేంద్ర ప్రభుత్వం ద్వారా నియమించబడతారు.

(3) కేంద్ర ప్రాధికార సంస్థ యొక్క ప్రధాన కార్యాలయము ఢిల్లీ జాతీయ రాజధాని ప్రాంతమునందలి అట్టి స్థలమునందు ఉండును మరియు కేంద్ర ప్రభుత్వము నిర్ణయించినట్లుగా భారతదేశమునందలి ఏదేని ఇతర స్థలమునందు దానికి ప్రాంతీయ మరియు ఇతర కార్యాలయములు ఉండును.