(१) ग्राहक संरक्षण अधिनियम, १९८६ (सन १९८६ चा अधिनियम क्रमांक ६८) एतद्द्वारे निरसित करण्यात येत आहे.

(२) असे निरसन झाले असले तरीही, याद्वारे निरसित केलेल्या अधिनियमाखाली केलेली किंवा हाती घेतलेली कोणतीही गोष्ट किंवा कारवाई, किंवा तशी केलेली किंवा हाती घेतलेली असल्याचे भासवलेली, जोपर्यंत ती या अधिनियमाच्या तरतुदींशी विसंगत नाही, तोपर्यंत, या अधिनियमाच्या संबंधित तरतुदींखाली केली किंवा हाती घेतली असल्याचे मानले जाईल.

(३) उपकलम (२) मध्ये विशिष्ट बाबींचा उल्लेख केल्यामुळे, निरसनाच्या परिणामांबाबत, सर्वसाधारण खंड अधिनियम, १८९७ (१८९७ चा १०) च्या कलम ६ च्या सर्वसाधारण उपयोजनावर प्रतिकूल परिणाम होतो किंवा त्याला बाधा येते असे मानले जाणार नाही.