(१) राज्य शासन, राज्य आयोगास आपली कार्ये पार पाडण्यास साहाय्य करण्यासाठी आवश्यक असलेल्या अधिकारी आणि इतर कर्मचाऱ्यांचे स्वरूप आणि प्रवर्ग निश्चित करील आणि आयोगास योग्य वाटतील असे अधिकारी आणि इतर कर्मचारी उपलब्ध करून देईल.

(२) राज्य आयोगाचे अधिकारी व इतर कर्मचारी अध्यक्षांच्या सर्वसाधारण अधीक्षणाखाली आपली कार्ये बजावतील.

(३) राज्य आयोगाचे अधिकारी व इतर कर्मचारी यांना देय असलेले वेतन व भत्ते आणि त्यांच्या सेवेच्या इतर अटी व शर्ती, विहित केल्याप्रमाणे असतील.