(२) केंद्रीय प्राधिकरणाचे लेखा भारताचे नियंत्रक व महालेखापरीक्षक यांच्याद्वारे त्यांनी विनिर्दिष्ट केलेल्या अंतराने लेखापरीक्षित केले जातील आणि अशा लेखापरीक्षणासंदर्भात झालेला कोणताही खर्च केंद्रीय प्राधिकरणाद्वारे भारताचे नियंत्रक व महालेखापरीक्षक यांना देय असेल.

(३) भारताचे नियंत्रक व महालेखापरीक्षक किंवा त्यांनी केंद्रीय प्राधिकरणाच्या लेखांच्या लेखापरीक्षणासंदर्भात नियुक्त केलेली कोणतीही अन्य व्यक्ती यांना, शासकीय लेखांच्या लेखापरीक्षणासंदर्भात भारताच्या नियंत्रक व महालेखापरीक्षकांना साधारणतः जे हक्क, विशेषाधिकार व प्राधिकार असतात, तेच हक्क, विशेषाधिकार व प्राधिकार अशा लेखापरीक्षणासंदर्भात असतील आणि विशेषतः, त्यांना पुस्तके, लेखे, संबंधित पावत्या व अन्य दस्तऐवज व कागदपत्रे सादर करण्याची मागणी करण्याचा आणि केंद्रीय प्राधिकरणाच्या कोणत्याही कार्यालयाची तपासणी करण्याचा हक्क असेल.

(४) केंद्रीय प्राधिकरणाचे लेखे, भारताचे नियंत्रक व महालेखापरीक्षक किंवा त्यांनी याबाबतीत नियुक्त केलेल्या कोणत्याही अन्य व्यक्तीने प्रमाणित केल्याप्रमाणे, त्यावरील लेखापरीक्षण अहवालासह, दरवर्षी केंद्र सरकारला सादर करण्यात येतील आणि केंद्र सरकार ते संसदेच्या प्रत्येक सभागृहासमोर ठेवण्याची व्यवस्था करील.