(१) केंद्र सरकार, अधिसूचनेद्वारे, त्यात विनिर्दिष्ट करील अशा दिनांकापासून, ग्राहकांच्या हक्कांचे उल्लंघन, अनुचित व्यापार पद्धती आणि सार्वजनिक व ग्राहकांच्या हितास बाधक असलेल्या खोट्या किंवा दिशाभूल करणाऱ्या जाहिरातींशी संबंधित बाबींचे विनियमन करण्यासाठी आणि एक वर्ग म्हणून ग्राहकांच्या हक्कांना प्रोत्साहन देण्यासाठी, त्यांचे संरक्षण करण्यासाठी व त्यांची अंमलबजावणी करण्यासाठी, केंद्रीय प्राधिकरण या नावाने ओळखले जाणारे एक केंद्रीय ग्राहक संरक्षण प्राधिकरण स्थापित करील.

(२) केंद्रीय प्राधिकरणामध्ये एक मुख्य आयुक्त आणि विहित करण्यात येतील इतके इतर आयुक्त यांचा समावेश असेल, ज्यांची नियुक्ती केंद्र सरकारद्वारे या अधिनियमान्वये अधिकार वापरण्यासाठी आणि कार्ये पार पाडण्यासाठी करावयाची असेल.

(३) केंद्रीय प्राधिकरणाचे मुख्यालय दिल्ली राष्ट्रीय राजधानी क्षेत्रातील अशा ठिकाणी राहील, आणि त्याची प्रादेशिक आणि इतर कार्यालये भारतातील इतर कोणत्याही ठिकाणी असतील, जसे केंद्र शासन निश्चित करील.