४८. (१) या संहिताअंतर्गत अटक करणारा प्रत्येक पोलीस अधिकारी किंवा अन्य व्यक्ती अशा अटक आणि अटक केलेल्या व्यक्तीला कोठे ठेवण्यात आले आहे याची माहिती तत्काळ त्याच्या नातेवाईकांना, मित्रांना किंवा अशा अन्य व्यक्तींना देईल, ज्यांना अटक केलेली व्यक्ती अशी माहिती देण्याच्या उद्देशाने उघड करेल किंवा नामनिर्देशित करेल आणितसेच जिल्ह्यातील नियुक्त पोलीस अधिकाऱ्याला.

(२) अटक केलेल्या व्यक्तीला पोलीस ठाण्यात आणताच पोलीस अधिकारी त्याला उपकलम (१) अंतर्गत त्याच्या अधिकारांची माहिती देईल.

(३) अशा व्यक्तीच्या अटकेची माहिती कोणाला देण्यात आली आहे, याची नोंद पोलीस ठाण्यात ठेवण्यात येणाऱ्या पुस्तकात अशा स्वरुपात केली जाईल, जी राज्य शासनाने नियमांद्वारे ठरविली असेल.

(४) अशा अटक केलेल्या व्यक्तीच्या संबंधात उपकलम (२) व (३) मधील तरतुदींची पूर्तता झाली आहे, याची खात्री करून घेणे दंडाधिकाऱ्याचे कर्तव्य आहे.